Schutzgemeinschaft Heiligenberg und Handschuhsheimer Geschichtswerkstatt e.V.

www.heiligenberg-bei-heidelberg.de

Startseite

Der Hendsemer Guguck


Der Guguck, der muß sterwe,
Gebrore muß er sei,
Zu Hendese is Kerwe
Heit looße mer de Wei!


Do kleppre se mit Stange
Zum Daal naus, jung unn alt,
De Guguck eizufange
Beim Hollermann im Wald.


Wo der sich doud hot gschoße,
Hockt seller uffm Baum
unn kreischt unn mächt sei Bosse:
Eer Dappes, dappt norr haam.


Freßt lieber Schweineknöchel
Unn Sauerkraut mit Worscht,
Unn broot eich annere Vöchchel,
Wann Kerwe is, zum Dorscht.


Dort kennt eer rum eich holze
Unn danze um die Linn
Mit eire Käize rolze,
Doch ich bleib wu ich bin!


Der Guguck legt eich selwer,
Die Aier als ins Nescht:
Drum schlacht net eire Kälwer
For flotte Kerwegäscht!


Unn wollt eer Elwetritsche
Drauß fange, gebt norr acht,
Daß sie net haam eich witsche
Unn werge bei der Nacht!


(vermutlicher Verfasser: Karl Christ)